Shperndaje
Në kuadër të 116-vjetorit të Lindjes së të Përndritshmit Dhimitër Pasko, i njohur me pseudonimin letrar “Mitrush Kuteli”, si edhe përvjetorit të 80-të të poemës “Poemi Kosovar”, në Sallën e Këshillit bashkiak, Bashkia Pogradec në bashkëpunim me Qendrën Multifunksionale Pogradec, organizuan Takimin përkujtimor “Mitrush Kuteli! 80-vjetori i Poemit Kosovar”.
Ky Takim përkujtimor i konceptuar si një ndërthurrje mes solemnes, pjesës studimore dhe bashkëndarjes së pjesëve të zgjedhura të krijimtarisë së Mitrush Kutelit, nën moderimin e z. Andi Kosta përcolli emocion pas emocioni çdo dimension të Figurës poliedrike të Dhimitër Paskos.
Në Fjalën e Rastit, N/Kryetarja e Bashkisë Pogradec, znj. Entela Gusho përcolli Përshëndetjen e Kryetarit të Bashkisë Pogradec, z. Ilir Xhakolli, mirënjohjen dhe nderimin për “Nderi i Kombit”, Aktorin Mirush Kabashi përmes Akordimit të Çertifikatës së Mirënjohjes nga ana e Bashkisë Pogradec, si edhe vargje të zgjedhura nga poezia “Baltë nga kjo tokë” (Mitrush Kuteli).
Në Fjalën e tij, studiuesi Neli Naço u ndal në kontributin e zgjeruar dhe shumë-dimensional letrar të Mitrush Kutelit, duke e cilësuar me të drejtë mes të tjerash Mitrush Kutelin, si kritikun e mirëfilltë të letërsisë shqipe të kohës së vet.
Në Fjalën e Tij, z. Pandeli Pasko, pasardhësi i të Përndritshmit Dhimitër Pasko bashkëndau disa detaje mjaft interesante mbi rrugëtimin e veprës “Poemi Kosovar”, ndërthurur me copëza të letrave të Mitrush Kutelit dhe dëshmi personale.
Poezi të zgjedhura nga krijimtaria e Mitrush Kutelit dhe tingujt e përzgjedhur muzikorë mbyllën siparin e Takimit përkujtimor “Mitrush Kuteli! 80-vjetori i Poemit Kosovar”.
Shperndaje