Shperndaje
Ambasadorja e re e Francës në Shqipëri znj. Elisabeth Barsacq vizitoi Pogradecin. Ajo u prit në takim fillimisht nga Kryetari i Bashkisë Pogradec z. Ilir Xhakolli dhe kabineti i tij. Në takim u fol për për marrdhëniet mjaft të mira e deritanishme dhe projektet e përbashkëta të zhvilluara. Kryetari Xhakolli dhe stafi i tij e njohën Ambasadoren me Pogradecin, turizmin, traditat dhe kulturën e tij. Të dyja palët shprehën angazhim maksimal për të vijuar me rrugën e projekteve të përbashkëta në disa sektorë të rëndësishëm, si arsimi, kultura dhe turizmi në bashkëpunim të ngushtë edhe me degën e Aleancës Franceze në Pogradec. Theksi u vendos edhe tek krijimi i një databaze online për turizmin dhe shtigjet turistike në mënyrë që pas situatës së pandemisë të rinjtë francezë të kenë mundësinë ti vizitojnë. Ndërsa në vazhdim do të hapen edhe disa klasa për të rinjtë ku të kenë mundësinë të mësojnë falas gjuhën frënge.
Ambasadorja vijoi më pas me axhendën e saj duke vizituar ambientet e zyrës së Aleancës Franceze në Pogradec si edhe një ekspozitë me punime e çelur në Galerinë e Arteve "Lasgush Poradeci". Ambasadorja u ndal edhe në bibliotekë ku dhuroi dhjetra tituj librash në fërngjisht për fëmijë por edhe libra të përkthyer në shqip nga autorë mjaft të njohur francezë.
Shperndaje