Shperndaje
Më datën 3 shtator 1913, Çelet Shkolla e parë shqipe për vajzat me mësuese Athina dhe Evanthi Cici, të cilat janë pjesë e broshurës "Historia e saj në historinë e Pogradecit" dhe Bashkia Pogradec i vlerësoi me certifikatë mirënjohje për kontriubutin e dhënë në qytetin e Pogradecit.
ATHINA CICI dhe EVANTHI CICI
Mësuese e shkollës së parë shqipe të vajzave në Pogradec.
Lindi në Pogradec në vitin 1897. Punën si mësuese e nisi në qytetin e Elbasanit por shumë shpejt u kthye në qytetin e lindjes ku në vitin 1913, së bashku me të motrën, Evanthinë, hapi në shtëpinë e tyre në Lagjen e Burimave, shkollën e parë shqipe për vajza në qytetin e Pogradecit duke u bërë njëkohësisht edhe njëra nga mësueset e kësaj shkolle.
Në vitet e Luftës së Parë Botërore u njoh dhe u martua me komandantin e postëkomandës franceze në qytetin e Pogradecit, Eduard Mortier 1, me të cilin u largua nga Shqipëria në vitin 1920. Për vite me radhë jetoi inë Francë si edhe në kolonitë franceze në Afrikën e Veriut dhe Lindjen e Mesme ku bashkëshorti i saj shërbente si ushtarak. Pas vdekjes së bashkëshortit, në vitin 1948 u vendos në SHBA.
Hapja e shkollës ishte një moment shumë i rëndësishëm në historinë e lëvizjes kombëtare shqiptare dhe ky moment bëhet edhe më i veçantë nëse kemi parasysh faktin se kjo shkollë hapej për vajzat, edukimi i të cilave në institucionet arsimore, dhe aq më tepër në gjuhën shqipe, kundërshtohej haptazi nga qarqet konservatore të shumta në numër.
Sakrificat e mësueseve, në kushtet kur ato vendosën në dispozicion shtëpinë e tyre për ta shndërruar në shkollë, bëhet edhe më sublime dhe nderohet gjithmonë me respekt.
Emrin e saj dhe të së motrës Athinasë, e mban sot një institucion arsimor parashkollor në qytetin e Pogradecit.
Shperndaje