Shperndaje
Dje, me datë 03 Gusht 2021, me iniciativë të Kryetarit të Bashkisë Pogradec, z. Ilir Xhakolli, u organizua një Takim mes Përfaqësuesve të Bashkisë Pogradec dhe Përfaqësuesve të Fondacionit “Nehemia Gateway Albania”.
Kryebashkiaku Xhakolli prezantoi Strategjinë e Zhvillimit Komunitar të Bashkisë Pogradec duke theksuar se një prej shtytësve kryesorë të zhvillimit janë partneritetet në nivel institucional qendror, vendor, në rang kombëtar dhe ndërkombëtar.
Në fjalën e Tij, z. Klaus Kandt, ish-Sekretar i Shtetit pranë Ministrisë së Brendshme, Brandenburg, Ish-Komisioner pranë Forcave të Policisë, Berlin dhe me përvojë mbi 40-vjeçare në drejtim, theksoi rëndësinë e kapaciteteve administrative dhe Strukturës së Hapur Drejtuese, ndërsa z. Arnold Geiger, Kryetar i Bordit Mbikqyrës të Fondacionit Nehemia Gateway Albania, theksoi rëndësinë e trajnimit të vazhdueshëm të kombinuar ne praktikën në terren, ilustruar kjo me modele suksesi pranë Universitetit Nehemia Gateway Albania.
Në fjalën e saj, N\Kryetarja e Bashkisë, znj. Entela Gusho falënderoi Fondacionin Nehemia Gateway Albania për bashkëpunimin e frytshëm në fushën sociale gjatë periudhës së pandemisë shkaktuar nga Covid 19, si edhe për bashkëpunimin mes Këshillit Vendor Rinor dhe Fondacionit Nehemia Gateway Albania, duke siguruar se të tilla bashkëpunime në këta sektorë dhe jo vetëm do të vazhdojnë edhe në të ardhmen.8
Shperndaje