Shperndaje
Sot Kryetari i Bashkisë Z. Ilir Xhakolli priti në takim disa të rinj gjimnazistë nga Shkolla “Nehemia Gateway”. Të rinjtë kërkuan këtë takim për të uruar festat e fundvitit, por edhe për të shprehur mirënjohjen e tyre për punën e bërë nga Bashkia Pogradec në këto dy vite për transfromimin e qytetit, jetës kulturore apo përfshirjes mjaft të gjerë të të rinjve në aktivitete të ndryshme. Në diskutim u rrahën ide mjaft interesante se çfarë duhet bërë edhe më mirë në vazhdim me qëllim që të rinjtë të qëndrojnë në Pogradec. Xhakolli i’u prezantoi të rinjve edhe projektet që do të zbatohen në vazhdim në të gjithë territorin e Bashkisë. Xhakolli vendosi theksin tek projekti i Qendrës së re Sportive Shumësportëshe që do të ngrihet te zona e Rezidencave Qeveritare së shpejti dhe që si pjesë të saj do të ketë fusha dhe kënde sportive për të gjitha sportet. Ai tha se Bashkia ka menduar të stimulojë të rinjtë edhe me lehtësira në hapjen e një biznesi si dhe u sugjeroi të bëhen edhe pjese e skemës së AZHBR në zhvillimin e Agroturizmit nga të cilat të rinjtë përfitojnë deri në 75% subvencionim të investimit.
Shperndaje