Shperndaje
Sot pata kënaqësinë që jo vetëm të mirëpres në Pogradec por edhe të marr dhjetra ide dhe sugjerime se si mund ta bëjmë më të bukur këtë qytet, nga Zv/Ministri i Infrastrukturës dhe Energjisë z. Artan Shkreli dhe Drejtori i Përgjithshëm i Kadastrës z. Artan Lame. Bashkë me Ministrin dhe Deputetin e Pogradecit Eduard Shalsi dhe piktorin Anastas Kostandini, i njohëm ata me disa prej investimeve që kemi kryer deri më tani në Pogradec dhe vizionin tonë për të tjera investime madhore që do zhvillojmë.
Diskutime dhe ide konkrete shkëmbyem mbi projektin që kemi për rinkostruksionin e rrugës "Naim Frashëri" dhe lagjes Muze "Top Leci" ndërsa morëm garancinë e fortë se do lobohet dhe mbështetet fuqishëm zbatimi i projektit sa më shpejt. Një vizitë në Fototekën "Misto Cici" të cilës shumë shpejt do t'i vëmë në dispozicion ambejtet e nevojshme, i njohëm gjithashtu edhe historikun e Burimave dhe Toplecit, banesat muzeale, Shkollën e Parë Shqipe, vendin ku do rindërtojmë shtëpinë e "Mitrush Kutelit" projektin që kemi për shtëpinë Muze të "Lasgush Poradecit, Muzeut Etongrafik etj.
Mjaft detaje interesante morën nga vizita në Ekspozitën" Pogradeci në Celuloid" e çelur këto ditë nga historiani Ledjan Zeqollari, e cila sjell imazhe në kohë të ndryshme të Pogradecit.
Në fund në plazhin e fortesave dhe punën që do vijojmë për ta rikthyer jo vetëm si dikur por edhe me shërbime publike të shtuara. Më vjen mirë që krahas ideve që mora nga këto vizita nga dy miqtë e mi, ata u impresionuan nga ajo që panë dhe njohën nga afër, e që nuk e dinin më parë. Pogradeci ka potenciale të mëdha dhe unë bashkë me stafin tim drejtues, po punojmë fort jovetëm për të investuar por edhe për ta promovuar të panjohurën e Pogradecit. Ky qytet nuk ka vetëm liqen, ka trashëgimi kulturore, histori, tradita, lagje muzeale, fotografë, piktorë, shkrimtarë e shumë e shumë të tjera. Prandaj vijojmë fort punën për të zbuluar atë Pogradec që shumë ende nuk e njohin.
#PogradeciQeDuam
Shperndaje