Shperndaje
Ministri i Turizmit dhe Mjedisit z. Blendi Klosi zhvilloi në Pogradec mbledhjen e Komitetit Rajonal të Turizmit me pjesmarrjen e Prefektit z. Dhori Spirollari, Deputetes znj. Blerina Gjylameti, Kryetarit yë Bashkisë Pogradec z. Ilir Xhakolli, Kryetares së Këshillit të Qarkut znj. Ana Verushi me pjesmarrjen edhe të kryebashkiakëve të qarkut dhe operatorët turistikë. Në takim u diskutua për problematikat që duhen zgjidhur për të pasur një sezon të suksesshëm turistik. Klosi theksoi se Pogradeci do të ketë një sezon mjaft të suksesshëm kjo nisur nga investimet e bashkisë, pastrimi i vazhdueshëm i liqenit, zonave kulturore dhe historike të Pogradecit e Mokrës që ofrohen si pjesë e paketës turistike etj. Klosi ndër të tjera kërkoi nga operatorët turistikë që krahas rritjes së nivelit të shërbimit që kanë bërë deri më tani, të vijojnë fort punën për ta maksimizuar atë dhe për të qenë kështu konkurrues jovetëm në vend por edhe rajon. Bashkëpunimi në nivel qendror e lokal do të ketë mbështetjen e plotë të ministrisë por edhe qeverisë në mënyrë që këtë vit të kemi një sezon të mbarë. Pogradeci është në 'top' listën e qyteteve më të preferuara dhe si i tillë nuk do të marrë mbështetje maksimale. Edhe kryebashkiaku Xhakolli e vendosi theksin tek investimet dhe shërbimet që institucioni i tij ofron, ndërsa operatorët kanë si detyrë shërbimin ndaj turistëve dhe vizitorëve tha ai. Deputetja Gjylameti tha se falë punës së bërë nga pushteti lokal e qëndror Pogradeci këtë vit do të ketë një sezon edhe më të suksesshëm nisur edhe nga programi i ngjeshur artistik e kulturor që bashkia ka krijuar tashmë #100DitënëPogradec. Për Prefektin Spirollari vëmendje maksimale do të ketë në sigurinë në plazhe për të garantuar jetët njerëzore.
#KomitetiRajonaliTurizmit
#EjanPogradec
#100DitëFestë
Shperndaje