Shperndaje
Takimi i rradhës i Këshillit Vendor të Sigurisë Publike mblodhi në një Tryezë të Përbashkët Përfaqësues të Institucioneve shtetërore, Përfaqësues të OJF-ve, Përfaqësues të Medias, dhe Përfaqësues të Komuniteteve Fetare. Në përputhje me Agjendën e paracaktuar u raportua nga Përfaqësues të Institucioneve shtetërore mbi masat e marra dhe punën e kryer gjatë periudhës së Sezonit Veror.
U identifikuan problematika, arritje dhe sfida.
Prezantimet nga ana e Përfaqësuesve të Institucioneve u realizuan në përputhje me “Detyrimet e çdo Institucioni sipas Strategjisë Ndërsektoriale të Sigurisë në Komunitet 2021-2026 dhe të Planit të Veprimit 2021-2023”.
Shoqata “Unë Gruaja” prezantoi shkurt Projektin “Polici, Institucione dhe Shoqëri Civile së bashku për Sigurinë Publike”.
Në përputhje me problematikat e ngritura në Takim do të hartohet Agjenda e Takimit të ardhshëm. Një prej risive të Takimit të sotëm të Këshillit Vendor të Sigurisë Publike ishte prezantimi i koncepteve “Policim në Komunitet” dhe Sekretariati Teknik i Këshillit Vendor të Sigurisë Publike.
Fjala e Rastit e Kryetarit të Bashkisë Pogradec, z. Ilir XHAKOLLI, mbajtur në Takimin e Këshillit Vendor të Sigurisë Publike
Bashkia Pogradec
21.07.2021
Ju përshëndes!
Ju falënderoj për prezencën Tuaj në Takimin e sotëm të Këshillit Vendor të Sigurisë Publike!
Duke e çmuar të rëndësishëm për nga Misioni dhe Natyra Takimin e Këshillit Vendor të Sigurisë Publike, vlerësoj se përfshirja aktive dhe harmonizimi i Aktorëve Përgjegjës, do të ishin një kontribut i vlerë në sigurinë e shumëfishtë të komunitetit të cilit i shërbejmë.
Takimi i sotëm është në fakt një Takim Koordinues, Informues dhe Parapërgatitor.
Synohet që Plani i Përbashkët i Veprimit të konkretizohet më pas në strategji dhe planifikim afatshkurtër ose afatmesëm sipas fushave përkatëse të sigurisë për komunitetin.
Duke Ju uruar vazhdim të suksesshëm të Takimit të sotëm, sërish Ju falënderoj për prezencën Tuaj, impenjimin dhe punën e kryer.
Ilir XHAKOLLI
KRYETAR
BASHKIA POGRADEC
Shperndaje