Shperndaje
Në kuadër të Marrëveshjes së Binjakëzimit lidhur në vitin 2019 mes Bashkive Wismar, Republika Federale e Gjermanisë dhe Bashkisë Pogradec, Republika e Shqipërisë, në përputhje me Planin Gjithëvjetor të Veprimit të miratuar në vitin 2022 nga të dy Kryetarët e Bashkive, përkatësisht, z. Thomas Beyer, Kryetari i Bashkisë Wismar dhe z. Ilir Xhakolli, Kryetar i Bashkisë Pogradec, janë realizuar:
1- Trajnimi i tre Përfaqësuesve të Bashkisë Pogradec në Bashkinë Wismar në fushat Turizëm, Trashëgimi Kulturore, Legjislacioni mbi Turizmin
2- Bashkëpunimi në fushën e lundrimit dhe artit ku 11 të rinj, të moshave 12-16 vjeç, anëtarë të Shoqatës “Seglerjugend Wismar” të shoqëruar nga tre bashkëpunëtorë të rritur, një prej bashkëpunëtorëve, vetë trajnuesja, znj. Ilca Heinrich, demonstruan lundrimin me vela në Liqenin e Ohrit, pjesa shqiptare, në Pogradec, si edhe me asistencën e Piktorit të Merituar Anastas Kostandini, realizuan pikturat e tyre, të cilët u ekspozuan më pas në Ekspozitën e Pikturës në Wismar, krahas punimeve të Ekspozitës së Piktorit Anastas Kostandini
3- Çelja e Ekspozitës së Piktorit të Merituar Anastas Kostandini, titulluar “Një Piktor nga Pogradeci viziton Wismarin”
4- Pritet të realizohet së shpejti bashkëpunimi në fushat Turizëm dhe Trashëgimi Kulturore me prezencën e dy funksionarëve të Bashkisë Wismar në Bashkinë Pogradec.
Sa i takon Vizitës së fundit në Bashkinë Wismar të Këshilltarit për Marrëdhëniet me Jashtë, Bashkia Pogradec, z. Andi Kosta dhe “Piktori i Merituar” Anastas Kostandini, Anëtar i Delegacionit, më poshtë jepet në formën e një Raporti të përmbledhur Agjenda e realizuar e Takimeve dhe Aktiviteteve organizuar në kuadër të Marrëveshjes së Binjakëzimit mes Bashkisë Wismar dhe Bashkisë Pogradec:
1- Me datë 25 Gusht 2023 në Bashkinë Wismar u organizua Takimi zyrtar me Kryetarin e Bashkisë Wismar, z. Thomas Beyer, ku u analizuan dhe u përshëndetën bashkëpunimet e deritanishme të realizuara në disa fusha dhe u propozuan të tjera bashkëpunime konkrete në të ardhmen
2- Me datë 25 Gusht 2023, u organizua Takimi “Mbrëmja Shqiptare” pranë Zyrave të Fondacionit CHW, ku u evidentuan nga z. Thomas Beyer dhe z. Andi Kosta, prioritetet në bashkëpunimet e mëparshme dhe të së ardhmes, përkatësisht më fushat Turizëm, Trashëgimi Kulturore, Kulturë, Sport dhe në punën me të rinjtë.
Z. Kostandini bashkëndau mirënjohjen dhe detaje mjaft interesante mbi artin e lëvruar prej tij duke pasur parasysh artin e lëvruar në kohë dhe rrethana të ndryshme.
3- Një tjetër Takim i planifikuar me datë 25 Gusht 2023 ishte Takimi me piktorë vendas. Në Takim u bashkëndanë përvoja dhe eksperienca mes profesionistësh. Në Takim merrnin pjesë edhe përfaqësues të Bashkisë Wismar dhe Pogradec.
4- Me datë 26 Gusht 2023 u çel në Muzeun Historik të Qytetit Wismar Ekspozita Personale e Piktorit të Merituar Anastas Kostandini, titulluar “Një Piktor nga Pogradeci viziton Wismarin”, Ekspozitë, e cila u mirëprit dhe u përshëndet përzemërsisht nga të pranishmit.
Gjatë Ceremonisë zhvilluar në Ekspozitë nën moderimin e znj. Dr. Karen Hammer, në Fjalën e Tij, z. Thomas Beyer theksoi bashkëpunimin e frytshëm në kuadër të binjakëzimit mes dy Qyteteve tona, deklaroi se Plani Gjithëvjetor ish ndjekur në çdo aspekt nga të dyja bashkitë dhe se planifikohen të tjera bashkëpunime në të ardhmen. Mirënjohje e veçantë u shpreh për pritjen dhe shoqërimin e fëmijëve lundërtarë nga Qyteti Wismar.
Në Fjalën e Rastit të mbajtur në Emrin e Kryetarit të Bashkisë Pogradec, z. Ilir Xhakolli nga z. Andi Kosta në cilësinë e Këshilltarit të Kryetarit për Marrëdhëniet me Jashtë, u përcollën përshëndetjet e Kryetarit të Bashkisë Pogradec z. Ilir Xhakolli për Qytetin Wismar përmes Kryetarit të Bashkisë së Qytetit Wismar, z. Thomas Beyer, u rikonfirmua përmbushja e çdo pike në Planin Gjithëvjetor të Veprimit dhe u konfirmua vullneti i mirë i Bashkisë Pogradec për vazhdimësinë e binjakëzimit me Bashkinë Wismar.
Në Fjalën e Saj, znj. Dr. Karen Hammer, përfaqësuese e Bashkisë në fushën e Kulturës u ndal mbi artin e piktorit Anastas Kostandini, duke bërë një analizë profesionale të artit të piktorit Kostandini.
Në Fjalën e tij, z. Kostandini, u ndal mbi zhvillimin e artit të tij gjatë periudhës së regjimit të mëparshëm dhe në vijimësi deri më sot duke shprehur mirënjohje për mundësinë e ekspozimit të veprave të tij në kuadër të binjakëzimit mes dy bashkive.
Shperndaje