Shperndaje
Sot, me datë 17.06.2021 u zhvillua Takimi mes Kreut të Zyrës së Këshillit të Evropës, Znj. Jutta Gützkow, Kyetarit të Bashkisë Pogradec z. Ilir Xhakolli, Përfaqësuesve të Programit ROMACTED, program i përbashkët i Bashkimit Evropian dhe Këshillit të Evropës, i cili synon promovimin e qeverisjes së mirë dhe fuqizimit Rom në nivelin vendor. Qëllimi i Takimit ishte rikonfirmimi i angazhimit politik të Kryetarit të Bashkisë dhe administratës vendore të Bashkisë Pogradec për kuptueshmërinë e përfshirjes sociale Rome në nivel vendor dhe dakordësimi mbi termat e partneritetit gjatë Fazës II të Programit ROMACTED (2021-2024).Gjatë Takimit u bashkëndanë publikimet e Fazës I përfshirë Planin Vendor të Integrimit të Pakicave Rome dhe Egjiptiane të Bashkisë Pogradec, Udhëzuesi ROMACTED, Udhëzuesi për Bashkitë për Buxhetimin e Përgjigjshëm për Pakicat Rome dhe Egjiptiane dhe ROMACTED në një Vështrim për Bashkinë Pogradec.
Theksi u vendos mbi Zbatimin, Monitorimin dhe Vlerësimin e Planit Vendor. Në fjalën e Tij, Kryetari i Bashkisë Pogradec, Z. Ilir XHAKOLLI vlerësoi bashkëpunimin në kuadër të partneritetit të Bashkisë Pogradec, si pjesë e Programit ROMACTED dhe garantoi vijueshmërinë e suksesshme të këtij Partneriteti.Z. XHAKOLLI përshkroi shkurtimisht disa prej hapave pro komunitarë ndërmarrë nga Bashkia Pogradec në kuadrin e këtij Partneriteti dhe kërkoi mbështetjen e Këshillit të Europës në implementimin e sipërmarrjeve të ardhshme me qasje pro komunitetit Rom dhe Egjiptian. Znj. Jutta Gützkow, në fjalën e saj vlerësoi bashkëpunimin gjatë Fazës I të implementimit të Programit ROMACTED dhe konfirmoi mbështetjen për bashkëveprim gjatë Fazës II të implementimit. Znj. Gützkow e vendosi theksin mbi ndërthurrjen në tri nivele për realizimin e Planit të Veprimit, përkatësisht, Niveli Vendor, Niveli Kombëtar, ku u theksua bashkëpunimi me Ministrinë e Shëndetit dhe Ndihmës Sociale dhe në Nivel Europian, përkatësisht, Bashkimi Evropian dhe Këshilli i Evropës. Gjatë Takimit u caktuan Personi Përgjegjës për të siguruar pjesëmarrjen e Bashkisë në Programin ROMACTED, si edhe Personi i Dytë mbështetës, Përgjegjës për Mbikqyrjen e gjithë procesit në lidhje me pjesëmarrjen në Program.Gjatë Takimit, Përfaqësuesja e Programit ROMACTED dhe Përfaqësuesja e Organizatës Mbështetëse “IRCA”, thejsuan nevojën e buxhetimit afatmesëm dhe vjetor, trajnimet për ngritje kapacitetesh dhe fushat e projekteve me qasje komunitare ndaj Komunitetit Rom dhe Egjiptian. të cilat përfshijnë: Kujdesin Shëndetësor, Arsimin (parashkollor dhe fillor), Pëkujdesjen Sociale, Strehimin Social, Punësimin dhe Trajnimet.Të tjera çështje të trajtuara gjatë Takimit ishin Monitorimi, Vlerësimi, Procedura e Raportimit, Skema e Granteve të Vogla, Ekspertiza dhe probkematika të ndryshme për t’u zgjidhur në përbashkësi në kuadër të Partneritetit.
Shperndaje