Shperndaje
Banka Botërore sapo ka lançuar nismën e saj më të re të titulluar “Digital Jobs Albania”e cila synon të shfrytëzojë ofrimin e shërbimeve dixhitale si një mundësi ekonomike për vendin. Nisma e cila gëzon mbështetjen e Qeverisë Shqiptare, do të ofrojë një kurs trajnimi falas intensiv 3-mujor për aftësitë dixhitale për vajzat dhe gratë e moshës 16-35 vjeç, duke i pajisur ato me njohuritë e duhura që u mundëson akses në punësimin online si profesioniste të lira në fushën e grafik-dizajn, zhvillimit të faqeve të internetit dhe të marketingut dixhital.Nisma po zbatohet nga Coderstrust (një kompani ndërkombëtare që ofron trajnim mbi aftësitë digjitale) dhe EuroPartners Development (një kompani konsulente vendase) në bashkëpunim të vazhdueshëm me Bankën Botërore dhe Qeverinë.
Shkalla e pjesëmarrjes në forcën e punës së grave në Shqipëri është ende 14.6 % më e ulët se sa ajo e burrave. Sipas të dhënave të vitit 2020 të Institutit Kombëtar të Statistikave të Shqipërisë (INSTAT), hendeku gjinor i pagave mbetet 6.6 % Në këtë kuadër, zhvillimi i modelit të punës së pavarur në internet mund të luajë një rol të rëndësishëm në ngushtimin e këtyre hendeqeve.
Kjo nisëm është një mundësi e shtuar për gratë dhe vajzat shqiptare për më shumë pavarësi ekonomike dhe avancim profesional.
Për të mësuar më shumë rreth nismës Digital Jobs Albania dhe si të merrni pjesë në të, ju ftojmë të vizitoni faqen zyrtare www.digitaljobsalbania.com
Gjithashtu më poshtë mund të gjeni linqet e medias sociale të projektit të cilat ju ftojmë t’i ndiqni për informacione më të përditësuara në kohë reale.
Facebook https://www.facebook.com/digitaljobsalbania/
Instagram https://www.instagram.com/digital_jobs_albania/
LinkedIn https://www.linkedin.com/company/digital-jobs-albania/
Youtube https://www.youtube.com/channel/UCQjz1LtaKdo0h_clnscW6Aw
Fillimisht vajzat e interesuara janë të ftuara të aplikojnë në programin e trajnimit falas përmes linkut në vijim Apply Now - Digital Jobs Albania
Shperndaje