Shperndaje
“Shërbime të integruara shëndetësore dhe sociale për individët me problematika të lëvizshmërisë”
Në kuadër të Programit të Përbashkët të Kombeve të Bashkuara “Përmirësimi i Ofrimit të Shërbimeve Lokale të Mbrojtjes Sociale”, Bashkia Pogradec ka nisur gjatë këtij muaji implementimin e projektit të fituar “Shërbime të integruara shëndetësore dhe sociale për individët me problematika të lëvizshmërisë”.
Granti për shërbime të integruara shëndetësore dhe sociale, do të investohet në ngritjen dhe funksionimin e shërbimit të fizioterapisë dhe sherbimit psiko-social, si një shërbim publik pa pagesë i aksesueshëm për grupet e marxhinalizuara të cilat nuk kanë mundësi ta sigurojnë në mënyrë private. Në përputhje edhe me parashikimet e bëra në Planin e Kujdesit Social 2019-2023 të miratuar, Bashkia Pogradec synon jo vetëm të përmirësojë ofrimin e shërbimeve sociale dhe kujdesit shëndetësor, por edhe të zgjerojë sistemin me shërbime të reja të cilat kontribuojnë në cilësinë e jetesës së grupeve të rrezikuara.
Prioritet do të jetë kategoria e para dhe tetraplegjikëve për të gjitha gupmoshat që kanë domosdoshmëri marrjen e këtij shërbimi. Projekti mbështetet në Modelin komunitar të kujdesit të integruar dhe më konkretisht, ka të bëjë me shërbime të lëvizshme të kujdesit të integruar për komunitet e largëta dhe të pavavorizuara. Trajtimi me seanca të fizioterapisë do të ofrohet në qytetin e Pogradecit por edhe në shtatë njësitë administrative nëpër qendrat shëndetësore si edhe do të asistojë përfituesit me shërbime në banesë, me qëllim përmirësimin e shëndetit, mirëqënies dhe cilësisë së jetës së personave para dhe tertraplegjik .
Problematikat dhe cështjet sociale kanë qënë dhe janë në fokus në shumë projekte për të cilat Bashkia Pogradec ka aplikuar dhe ka në plan të implementojë, ndërkohë që ky program është një shërbim i nevojshëm ku fokus është shërbimi publik pa pagesë për grupet në nevojë.
Shperndaje