Fuqizimi i familjes nëpërmjet koordinimit të shërbimeve egzistuese dhe ofrimit të shërbimeve të reja në një qendër multidisiplinare. Pas aplikimit në thirrjen e dytë për propozime, në kuadër të funksionimit të Programit të Fondit Social monitoruar nga

  • Kreu
  • Njoftime
  • Kendi BE
  • Fuqizimi i familjes nëpërmjet koordinimit të shërbimeve egzistuese dhe ofrimit të shërbimeve të reja në një qendër multidisiplinare. Pas aplikimit në thirrjen e dytë për propozime, në kuadër të funksionimit të Programit të Fondit Social monitoruar nga

 

 

Fuqizimi i familjes nëpërmjet koordinimit të shërbimeve egzistuese dhe ofrimit të shërbimeve të reja në një qendër multidisiplinare.

 

Pas aplikimit në thirrjen e dytë për propozime, në kuadër të funksionimit të Programit të Fondit Social monitoruar nga Ministria e Shëndetësisë dhe Mbrojtjes Sociale, për mbështetjen dhe zgjerimin e shërbimeve sociale në komunitet, Bashkia Pogradec ka fituar fondin për ngritjen e një qëndre multidisiplinare me fokus mirëfunksionimin e familjes.

Ky projekt vjen në përputhje me Planin e Kujdesit Social 2019-2023 të Bashkisë Pogradec të miratuar nga Këshilli Bashkiak dhe Planin Vendor te Veprimit per Barazine Gjinore Shtator 2020- Shtator 2023. Qëllimi i këtij programi është fuqizimi i familjes, rolit të saj në shoqëri dhe rritja e vëmendjes ndaj problemeve psiko-sociale brenda saj. Në këto kushte, qëndra funksionon si një ambient familjar miqësor në të cilën qytetarët do të kenë mundësi të trajtojnë problematikat  e tyre me punonjësit e specializuar për t’i trajtuar cështjet delikate me efektivitet dhe profesionalizëm, duke adresuar në zyrat përkatëse ato raste për të cilat institucionet kompetente mund t’i trajtojnë më gjerë. Në fokus janë shërbime që adresojnë probleme lidhur me:

  • Këshillim për problemet në cift.
  • Këshillim për marrëdhënien  prind-fëmijë.
  • Trajnime për mënyrat me efikase te prindërimit, rolin e gruas në familje, trajnime me pjestarë të familjeve të reja, familjeve te marxhinalizuara, familjeve nga grupe të ndryshme etnike, komuniteti rom dhe egjiptian etj.
  • Udhëzime për kujdesin shëndetesor, seanca informuese për nënat e reja lidhur me kujdesin shëndetesor ndaj fëmijeve, shëndetin mendor etj
  • Ndërmjetesim me biznesin, Zyrën Vendore të Punësimit, per punësimin e familjareve nga programet e nxitjes së punësimit dhe përfshirjen në kurse profesionale të të rinjve.
  • Adresim dhe informim lidhur me nevojat që ato kanë në aspektin juridik,social, ekonomik (pra njohja dhe ndërmjetesimi me shërbimet që shteti ofron për ceshtje për të cilat ata nuk janë në dijeni se mund të jenë përfitues).

 

Përfituesit kryesorë janë pjesëtarët e familjes duke nisur që nga prindërit, nënat kryefamiljare dhe fëmijët. Shërbimet që ofrohen në qëndrën multidisiplinare për këtë target grup, adresojnë probleme që lidhen me individët si prindër dhe si partnerë. Nga ana tjetër edhe këshillimet që kryhen për fëmijët janë  në kuadër të marrëdhënies prind-fëmijë por edhe probleme të socializimit të tyre.