Shperndaje
PROGRAMI NDËRKUFITAR REPUBLIKA E MAQEDONISË VERIORE - REPUBLIKA E SHQIPËRISË
Është hapur thirrja për grante nën thirrjen e tretë për propozime në programin e bashkëpunimit ndërkufitar Shqipëri- Maqedoni e Veriut 2018-2020. Programi zbatohet nën kornizën e instrumentit të ndihmës së para-anëtarësimit (IPA II) dhe është rezultat i përpjekjeve të përbashkëta të planifikimit të bëra nga qeveritë dhe palët e tjera të interesit të të dy vendeve. IPA II mbështet bashkëpunimin ndërkufitar me qëllim promovimin e marrëdhënieve të fqinjësisë së mirë, nxitjen e integrimit në Bashkimin Evropian dhe promovimin e zhvillimit socio-ekonomik.
Nën këtë thirrje, Bashkia Pogradec në bashkëpunim me Bashkinë Strugë, ka aplikuar projektin “Struga & Pogradeci për promovimin e turizmit dhe trashëgimisë kulturore –Cooltour”, e cila lidhet me lotin 3 tw propozimit, për zhvillimin e potencialit të turizmit duke promovuar trashëgiminë dhe vlerat kulturore te vendit.
Qëllimi i këtij projekti është të stimulojë një zhvillim socio-ekonomik të ekuilibruar, gjithëpërfshirës dhe të qëndrueshëm në zonën ndërkufitare dhe vlerat në të dy qytetet, Strugë dhe Pogradec . Përmes këtij aplikimi synohet të rriten mundësitë e bizneseve lokale për të shtuar shërbimet dhe pwrmirwsuar në fushën e turizmit si edhe të krijohet një bashkëpunim i ndërsjelltë efektiv në aspektin e kuptimit dhe të respektimit të vlerave dhe trashëgimisë kulturore së qyteteve.
Me shumë informacione mund ti gjeni në linkun më poshtë:
https://webgate.ec.europa.eu/europeaid/online-services/index.cfm?ADSSChck=1611915359880&do=publi.detPUB&aoref=170339&page=1&nbPubliList=15&searchtype=QS&orderby=upd&orderbyad=Desc&userlanguage=en
Shperndaje