Shperndaje
I Ngarkuari me Punë në Ambasadën e Shtetit të Kuvajtit në Tiranë, Shqipëri, Z. Khaled Alshami vizitoi këtë të enjte Bashkinë e Pogradecit. Ai u takua me kryetarin Z. Ilir Xhakolli dhe stafin e tij. Në këtë vizitë Z. Alshami u njoh me Pogradecin, historinë, traditën, kulturën, turizmin dhe investimet që aktualisht po zbatohen në territorin e Bashkisë Pogradec. Në takim u përshëndet bashkëpunimi i frytshëm mes Bashkisë dhe Ambasadës e cila është konkretizuar me ndërtimin e një objekti kulti dhe ndërtimin së shpejti të një kopshti të ri për fëmijët në Çerravë. U dakordësua që në vazhdimësi të ketë bashkëpunim dhe investime kryesisht në shërbimet sociale, infrastrukturë arsimore, qendra shëndetësore si edhe ndihmë për familjet në nevojë në ushqime apo përmirësim të kushteve të banimit.
Kryetari Ilir Xhakolli gjithashtu i parashtroi Z. Alshami edhe projektin për rikonstruksionin e Maternitetit të Pogradecit, Ambasadori kërkoi t'i paraqitet projekti dhe më pas të shikohen të gjitha mundësitë për financimin e tij.
Në mbyllje të takimit u diskutua edhe për bashkëpunime në fushën e turizmit duke filluar nga promovimi, binjakëzimet e deri tek ftesa e për investitorët kuvajtianë që të investojnë në Pogradec.
Shperndaje