Shperndaje
Bashkia Pogradec po zbaton projektin “Mundësi integrimi për të rinjtë me aftësi të kufizuara (AK)” si pjesë e Programit të Përbashkët të Kombeve të Bashkuara “Askush të mos mbetet pas”.
Ky projekt, i cili është një risi për Bashkinë Pogradec, konsiston në zgjerimin e shërbimeve për të rinjtë me AK, pranë Qendrës Komunitare për personat me aftësi të kufizuara, nëpërmjet shtimit të terapisë së punës. Kjo do të bëhet e mundur përmes ngritjes së atelies së punimit të qeramikës, ku të rinjtë me AK do të aftësohen në bërjen e produkteve zbukuruese prej balte.
Qellimi i këtij projektit është vijueshmëria e shërbimeve terapeutike në qendër, për të rinjtë me AK, dhe të fituarit e aftësive për punë, si një mundësi më e mirë integrimi e këtyre të rinjve në shoqëri.
Nga ky rojekt do të përfitojnë drejtpërdrejtë të rinjtë me AK të Qendrës Komunitare të Bashkisë Pogradec, si dhe familjarët e tyre.
Rezultatet e pritshme nga ky projekt janë:
- Shtimi i shërbimeve në Qendrën Komunitare Pogradec, nëpërmjet terapisë së punës;
- Rritja e aftësive të të rinjve me AK në punimin e qeramikës;
- Ndërgjegjësimi i shoqërisë mbi integrimin e personave më aftësi të kufizuara, nëpërmjet ekspozimit të punimeve të bëra në atelie, nga të rinjtë me AK.
Ky projekt mbeshtetet nga UNDP në Shqipëri, në partneritet të ngushtë me Ministrinë e Shendetësisë dhe Mbrojtjes Sociale, në kuadër të Programit të Përbashkët të Kombeve të Bashkuara “Askush të mos mbetet pas”, i cili financohet nga Qeveria Zviceriane.
Shperndaje