Shperndaje
Në këtë fillimvit të ri Kryetari i Bashkisë z. Ilir Xhakolli zhvilloi një takim me Administratorët e Njësive dhe Kryepleqtë e fshatrave që secila prej njësive ka. Çfarë kemi bërë përgjatë 2022 dhe prioritetet tona për 2023, problematikat, kërkesat emergjente dhe investimet që duhet të kryejmë në vazhdimësi për të përmirësuar dhënien e shërbimeve për banorët ishin ato çfarë u diskutuan në këtë takim.
Pjesë ishte edhe Prefekti i Qarkut Korçë z. Nertil Jole i cili shprehu gatishmërinë e tij për të arritur rezultate konkrete në të gjitha drejtimet. Kërkesat dhe problematikat e nxjerra nga kjo mbledhje fillojnë marrin zgjidhje hap pas hapi sipas drejtorive respektive lokale, rajonale apo qendrore.
Ujësellsat në Njësitë Velçan e Proptisht janë në fazat përfundimtare të investimit, ndriçimi rrugor në çdo fshat vazhdon me ritmet e duhura dhe nisja për pak javë e lotit të parë të rrugës Proptisht-Slabinjë e më pas deri në Bishnicë është lajmi më i bukur për Mokrën.
Vazhdojmë përpjekjet tona për të siguruar fondet edhe për akset Trebinjë-Llëngë dhe Dardhas-Niçë.
Shperndaje