Shperndaje
Kryetari i Bashkise Pogradec z. Ilir Xhakolli mirëpriti në një vizitë kortezie Ambasadorin e Republikës së Kroacisë në Shqipëri, z. Zlatko Kramarić.
Gjatë takimit u diskutua mbi mundësitë e forcimit të bashkëpunimit mes Pogradecit dhe Kroacisë, veçanërisht në fushën e kulturës, turizmit dhe promovimit të qytetit.
Ambasadori Kramarić shprehu vlerësimin e tij për Pogradecin, bukuritë natyrore, trashëgiminë kulturore dhe potencialin turistik që ofron qyteti. Ai ndau gjithashtu vlerësime shumë pozitive për Pogradecin, të cilin e njeh dhe e viziton prej vitesh.
Bashkëpunimi ndërkombëtar dhe krijimi i urave të reja me partnerë evropianë mbeten një prioritet i rëndësishëm për promovimin e Pogradecit dhe vlerave të tij në arenën ndërkombëtare.
Bashkia Pogradec shpreh mirënjohjen për Ambasadorin Kramarić për vizitën dhe gatishmërinë për të vijuar bashkëpunimin në funksion të marrëdhënieve kulturore dhe turistike mes dy vendeve.
Shperndaje