Shperndaje
Në Këshillin Bashkiak ndër të tjera u miratua edhe paketa fiskale 2022, e cila përmban një sërë lehtësirash që krijohen për bizneset dhe familjet si më poshtë, jemi përpjekur të sjellim një paketë fiskale e cila lehtëson familjet në nevojë, pensionistët, gratë kryefamiljare, artizanët dhe bizneset e reja, pavarësisht situatës financiare të bashkisë.
Përjashtohen nga pagesa e tarifave të pastrimit, gjelbërimit dhe ndriçimit OJF-të.
Për bizneset e reja të cilat punësojnë mbi 25 punonjës dhe bizneset e reja që hapen nga individë deri në moshën 25 vjeçare, tarifat vendore të reduktohen në masën 25 % në vitin e parë të aktivitetit.
Për bizneset e reja, të cilat administrohen nga gratë, tarifat vendore reduktohen në masën 20% për vitin e parë.
Bizneset që zhvillojnë aktivitet për punime artizanale përjashtohen nga tarifat.
Për familjet që janë në ndihmë ekonomike, pensionistët e vetmuar(pa fëmijët) do paguajnë vetëm 70% të tarifave.
Gratë kryefamiljare që nuk janë në marrëdhënie pune përjashtohen nga pagesa e tarifave vendore.
Pensionistët që janë pa bashkëshort/e përjashtohen nga tarifat vendore.
Nuk do të paguhet tarifa në fshatrat e Njësive Administrative, në të cilat është e pamundur të ofrohet shërbimi i pastrimit, për shkak të infrastukturës.
Qytetarët të cilët kanë gjendjen civile në Bashkinë Pogradec, që nuk kanë shtëpi banimi në pronësi të tyre dhe nuk janë rezidente në Pogradec përjashtohen nga pagesa e tarifave vendore.
Shperndaje