Shperndaje
Hapet thirrja për Propozime në kuadrin e Projektit “Përmirësimi i Ofrimit të Shërbimeve Lokale të Mbrojtjes Sociale”, një program i përbashkët i Kombeve të Bashkuara, i financuar nga Fondi për OZHQ-të për të mbështetur projekte në fushën e shërbimeve të integruara shëndetësore dhe sociale. Thirrja fokusohet në nxitjen e ndryshimeve të konsiderueshme në sasinë dhe cilësinë e ofrimit të shërbimeve të integruara të kujdesit shoqëror në nivel lokal, si pjesë e një sistemi efikas dhe të integruar të mbrojtjes sociale. Kjo skemë e granteve lejon financimin e projekteve të vogla inovatore që kontribuojnë në ofrimin e shërbimeve të integruara të kujdesit shëndetësor dhe shoqëror (edhe në përgjigje të COVID-19), si propozime të ardhura jo vetëm nga bashkia Pogradec por edhe ajo e Kamzës, Rrogozhinës, Pukës, Devollit dhe bashkitë e Tiranës.
Objektivi i programit është të kontribuojë në mbështetjen e qeverisë shqiptare për të përkthyer qëllimin e politikës në masa të përshtatshme në nivel lokal, në mënyrë që burrat, gratë, vajzat dhe djemtë që jetojnë në varfëri ose në kushte të vështira të kenë akses në shërbime cilësore, të integruara të kujdesit shoqëror . Grupet e synuara të programit që përfitojnë në mënyrë të drejtpërdrejtë apo të tërthortë nga shërbimet e përmirësuara të kujdesit shoqëror, janë shtresat e margjinalizuara, ndër të cilët më tepër prioritet do të kenë: personat me aftësi të kufizuara, së bashku me Romët dhe Egjiptianët, si dhe fëmijët, gratë, emigrantët, refugjatët, të papunët afatgjatë etj.
| Dokumenti | Shkarko |
| Njoftim I Thirrjes Per Projekte |
Shperndaje