Shperndaje
Në kuadër të Fazës së Dytë të Programit të Përbashkët ROMACTED të Këshillit të Evropës dhe Bashkimit Evropian mbi Promovimin e Qeverisjes së Mirë dhe Fuqizimit të Romëve në Nivel Lokal, Bashkia Pogradec u shpall fituese e thirrjes nga ky program.
Nga konsultimet që përfaqësuesit e shoqatave të komuniteteve rom dhe egjiptian kanë bërë paraprakisht, ishte konstatuar si problematikë kryesore situata e vështirë ekonomike, sidomos pas periudhës të pandemisë. Për këtë arsye u shtrua si nevojë nga kërkesa për ndihmë me pajisje bujqësore, plehra kimik dhe vegla pune me qëllim shfrytëzimin e tokave bujqësore dhe përmirësimin e situatës së këtyre familjeve.
Për sa më lart Drejtoria e Shërbimit Social dhe Njesia për Koordinimin e Integrimit Evropian dhe Ndihmës së Huaj, pranë Bashkisë Pogradec zhvilluan sot fazën e parë të implementimit të projektit “Përmirësimi i ekonomisë së familjeve rome dhe egjiptiane me të ardhura të ulta, përmes shfrytëzimit maksimal të tokave bujqësore” duke shpërndarë në këtë fazë të parë në Njësitë Administrative përfituese Buçimas dhe Çerravë, plehëra kimik dhe kultura bujqësore për të vazhduar në ditët në vijim me shpërndarjen e mjeteve bujqësore.
Ky projekt financohet nga Këshilli i Evropës dhe Bashkimi Evropian.
| Dokumenti | Shkarko |
| Faza E Dyte E Programit Romacted |
Shperndaje