Shperndaje
Në kuadër të projektit prej shumë donatorësh "Skema e Shkëmbimit të Shkollave të Ballkanit Perëndimor" e bashkëfinancuar nga Bashkimi Evropian dhe Ministria Federale Gjermane për Bashkëpunim dhe Zhvillim Ekonomik (BMZ) dhe zbatuar nga Shoqëria Gjermane për Bashkëpunim Ndërkombëtar (GIZ) së bashku me Zyrën Rajonale të Bashkëpunimit Rinor (RYCO), janë hapur aplikimet për thirrjen “Superschools”.
Superschools është një program I cili ka për qëllim shkëmbimin e e shkollave në 6 vendet e Ballkanit Perëndimor si dhe të mbështesë procesin e ndërtimit të paqes, mësimin dhe dialogun ndërkulturor midis shkollave, nxënësve dhe komuniteteve të tyre. Projekti kontribuon në objektivin e përgjithshëm të rritjes së aftësive dhe njohurive të të rinjve në Ballkanin Perëndimor duke rritur sistemet arsimore dhe duke promovuar bashkëpunimin në rajon, përmes krijimit të një skeme rajonale të shkëmbimit të shkollave.
Thirrja synon të sigurojë terrenin për krijimin e lidhjeve të forta dhe të qëndrueshme midis shkollave të mesme brenda rajonit dhe ndërtimin e partneriteteve afatgjata. Duke marrë pjesë në këtë nismë, shkollat e mesme do të kenë mundësinë të aplikojnë dhe nëse zgjidhen, të zbatojnë eksperiencën e shkëmbimit në shkollat e tyre, si dhe të marrin pjesë në aktivitetet e programit kushtuar ngritjes së kapaciteteve të tyre, rrjetëzimit dhe bashkëpunimit.Çdo shkollë e mesme, publike ose private, nga Ballkani Perëndimor është e ftuar të aplikojë në këtë pogram i cili do të zbatohet në tre vitet e ardhshme, dhe falë donatorëve, shpenzimet e shkëmbimit do të mbulohen për të gjitha shkollat e zgjedhura.
Përmes platformës online www.superschools.net, një shkollë e interesuar duhet të regjistrohet, të krijojë profil online dhe të gjejë një shkollë partnere nga një prej gjashtë territoreve të Ballkanit Perëndimor (Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia), pastaj identifikoni dhe propozoni aktivitetet e përbashkëta gjatë shkëmbimit në aplikacion. Zbatimi i shkëmbimeve të vitit të parë do të bëhet nga muaji shkurt, deri në muajin maj 2022 dhe secila shkollë partnere do të organizojë një vizitë shkëmbimi në vendin partner, me një grup prej 10 deri në 20 studentë dhe 1 deri në 2 mësues që zgjasin nga 6 deri në 10 ditë.
Nëpërmjet skemës së shkëmbimit, studentët dhe mësuesit do të kenë një shans të udhëtojnë, të prezantojnë veten, shkollat dhe zakonet e tyre dhe të mësojnë gjëra të reja për komunitetet lokale në pjesë të ndryshme të rajonit tonë.
Afati I fundit për të aplikuar është data 28 tetor.
Për më shumë informacion, vizitoni faqen zyrtare www.superschools.net. ose drejtohuni pranë NJësisë për Koordinimin e Integrimit Evropian dhe Ndihmës së Huaj, Bashkia Pogradec.
| Dokumenti | Shkarko |
| Superschool Ryco |
Shperndaje